مەودا میدیا-

هێڵی ئاسمانی عیراق بڕیاریدا بە کەمکردنەوەی نرخی گشتە ناوخۆییەکان کە گەشتی ئاسمانی نێوان بەغدا و سلێمانی و هەولێر و بەسرە دەگرێتەوە .

ئەمڕۆ هەینی 7ی تشرینی یەکەمی 2022 هێڵی ئاسمانی عیراق رایگەیاند "نرخی گەشتە ئاسمانییەکانی نێوان بەغدا و سلێمانی لە 215 دۆلارەوە بۆ 151 دۆلار  و نرخی گەشتە ئاسمانییەکانی نێوان بەغدا و هەولێر لە 215 دۆلارەوە بۆ 158 دۆلار کەمکراوەتەوە".

هێڵی ئاسمانی عیراق ئاماژەی بەوەشکردووە "نرخی گەشتە ئاسمانییەکانی نێوان بەغدا و بەسرە لە 192 دۆلارەوە بۆ 149 دۆلار کەمکراوەتەوە".

س.ر