مەودا میدیا-

بڕیارە رۆژی چوارشەممە دانیشتنی ئەنجومەنی نوێنەرانی عیراق بۆ هەڵبژاردنی سەرۆک کۆمار بەڕێوەبچێت، دەوڵەتی یاسا رۆژی دانیشتنەکەی دیاریکردووە.

هیشام رووکابی، بەڕێوەبەری نووسینگەی نوری مالیکی، سەرۆکی هاوپەیمانی دەوڵەتی یاسا رایگەیاند "رۆژی چوارشەممە 12ی تشرینی یەکەمی 2022 دانیشتنی پەرلەمانی عیراق بۆ هەڵبژاردنی سەرۆک کۆمار بەڕێوەدەچێت".

ئەمەش لەکاتێکدایە، تاوەکوو ئێستا یەکێتی و پارتی لەسەر کاندیدێکی هاوبەش رێکنەکەوتن بۆ پۆستی سەرۆک کۆماری عیراق و هەریەکەیان بە جیا کاندیدی خۆیان بۆ ئەو پۆستە هەیە.

س.ر