مەودا میدیا- 

وەزارەتی بازرگانی عیراق رایدەگەیەنێت سەبەتەی خۆراکی هاوڵاتییان دابینکراوەوە و مانگانە بەسەر هاوڵاتییاندا دابەشدەکرێت. ئاماژە بەوەشدەکات سەبەتەی خۆراک لە حەوت مادەی بنەڕەتی پێکهاتووە.

ئەمڕۆ دووشەممە 10ی تشرینی یەکەمی 2022 عەلا جبوری، وەزیری بازرگانی عیراق بە ئاژانسی فەرمی هەواڵێ عیراقی راگەیاندووە "سەبەتەی خۆراکی هاوڵاتییان لە چوارچێوەی عەمبارکردنی ستراتیجی دەستەبەرکراوە و سەرجەم حەوت مادە بنەڕەتییەکەی فاسۆلیا، برنج، دۆشاوی تەماتە، له‌تكه‌نۆک، رۆن، شه‌كر و نیسک لە خۆدەگرێت".

ئاماژەی بەوەشدا "سەبەتەی خۆراکی هاوڵاتییان بەردەوامدەبێت و مانگانە بەسەر هاوڵاتییاندا دابەشدەکرێت، هەروەها جۆرێکی نوێ لە برنجی تایلەندی گەیشتووەتە وڵات و دەدرێت بە هاوڵاتییان".

س،ر