مەودا میدیا-

لەساڵی 2013 بەدواوە رێژەی ئەو كەسانەی كە لە وڵاتی چین خانوو دەكڕن بۆ نیوە كەمیكردووەو، بەپێی ئامارەكانیش لە هەر پێنج خانوویەك لە چین یەكێكیان چۆڵە.

گرانی زیاد لە ئەندازەو دەستاودەست كردنی خانوو لەو وڵاتە هۆكاری چۆڵبوونی خانووەكانن. لەهەندێك ناوچەی ئەو وڵاتە،  شارەكانی ئەوەندە خانووی چۆڵیان تێدایە پێی دەڵێن "شاری رۆحەكان" ئەو خانووە چۆڵانە بە جۆرێك ناوبانگیان دەركردووە كە خەڵك وەك گەشتیار دەڕۆن بۆ سەیركردنی.

بەپێی لێكۆڵینەوەكانیش زۆربەی خانووەكان هی ئەو كەسانەن كە خانوویەكی دیكەیان هەیە و گرانی نرخی خانووەكانیان وایكردووە زۆركەس نەتوانن بیانكڕن و لەشارەكەدا بێ خانوو ماونەتەوە.

ك. م