مەودا میدیا-

ئەندامێكی پەرلەمانی عیراق لە لیژنەی دارایی رایگەیاند "دوای هەوڵەكە بەردەوامەكانم ئەمڕۆ بڕیاردراوە پارەی گەنمی جوتیارانی هەرێم بۆ ساڵی 2014 بكرێتە چەك و لە رۆژانی داهاتوو دەست بە دابەشكردنی دەكرێت".

د. نەرمین مەعروف، ئەندامی لیژنەی دارایی لە پەرلەمانی عیراق رایگەیاندووە "خۆشبەختانە دوای هەوڵە بەردەوامەكانم بۆ گەڕانەوەی ماف بۆ جوتیارانی خۆشەویستی هەرێمی كوردستان، ئەمڕۆ چوارشەممە 19ی تشرینی یەكەمی 2022 پارەی گەنمی جوتیارانی هەرێم بۆ ساڵی 2014 كە بڕەكەی نزیكەی 37 ملیار دینارە، كرا بە چەك".

باسی لەوەشكردووە "لە رۆژانی داهاتوودا دەست دەكرێت بە دابەشكردنی پارەكە بەسەر جوتیاران و بەردەوامیش دەبم بۆ گێڕانەوەی پارەی گەنمی جوتیاران بۆ ساڵەكانی دیكەش، چونكە ماف و رەنجی خۆیانە".

ك. م