مەودا میدیا-

وەزارەتی پەروەردەی عیراق بڕیاریدا سەرجەم قوتابیانی عیراق بۆ ساڵی رابردوو كە كەوتوون بە دەرچوو هەژمار بكات و بچنە قۆناغێكی نوێی خوێندن.

ئەمڕۆ یەکشەممە 23ی تشرینی یەكەمی 2022 لە بڕیارێكی وەزارەتی پەروەردەی عیراقدا هاتووە "بە لەبەرچاوگرتنی ئەو بارودۆخە سەختانەی قوتابیان پێیدا تێپەڕیون، وەزارەتی پەروەردە بڕیاری دا ساڵی رابردووی خوێندنی 2021 - 2022 بە ساڵی دەرچوو بۆ سەرجەم قوتابیان هەژمار بكرێت".

ئاماژە بەوەشکراوە "رێنوێنیی بڕیارەكە لە داهاتوویەكی نزیكدا دەردەچێت و بڵاو دەكرێتەوە، رێنوێنییەكان لەلایەن بەڕێوەبەرایەتیی گشتی هەڵسەنگاندن و تاقیكردنەوەكانەوە، ئاراستەی سەرجەم بەڕێوەبەرایەتییە گشتییەكانی پەروەردە لە پارێزگاكان دەكرێت".

س.ر