مەودا میدیا-

بڕیارە ئەمڕۆ ئەنجومەنی نوێنەرانی عیراق بۆ متمانەدان بە کابینەکەی محەمەد شیاع سوودانی، سەرۆک وەزیرانی راسپێردراو کۆدەبێتەوە.

محەمەد حەلبوسی، سەرۆکی ئەنجومەنی نوێنەرانی عیراق رایگەیاند "ئەمڕۆ پێنجشەممە ئەنجومەنی نوێنەران بۆ متمانەدان بە کابینەکەی محەمەد شیاع سودانی، سەرۆک وەزیرانی راسپێردراو کۆدەبێتەوە".

دارا سێکانیانی، ئەندامی ئەنجومەنی نوێنەرانی عیراق بە مەودا میدیای راگەیاند "بە سێ قۆناغ دەنگ بە کابینەی نوێی حکومەت دەدرێت لە ئەنجومەنی نوێنەرانی عیراق قۆناغێکیان پەسندکردنی کارنامەی کۆبوونەوەکەیە، قۆناغێکی دیکە پەسندکردنی سەرۆکی ئەنجومەنی وەزیرانە، قۆناغی سێیەمیش پەسندکردنی وەزیری وەزارەتەکانە".

 ئەندامی ئەنجومەنی نوێنەرانی عیراق وتی "دەکرێت ئەم سێ قۆناغە لە یەک کۆبوونەوەدا بێت، بەڵام مەرج نییە دەنگ بە کاندیدانی سەرجەم وەزارەتەکان بدرێت، دەکرێت بەشێکی بمێنێتەوە بۆ دانیشتنێکی دیکەی پەرلەمان".

س،ر