مەودا میدیا-

وتەبێژی فەرماندەی گشتیی هێزە چەكدارەكانی عیراق كوژرانی هەشتی تیرۆریستی داعشی لە قەزای خورماتووی پارێزگای سەڵاحەدین راگەیاند.

لیوا یەحیا رەسوڵ، وتەبێژی فەرماندەی گشتیی هێزە چەكدارەكانی عیراق رایگەیاند "هێزەكانی سەر بە دەزگای دژە تیرۆر ئۆپەراسیۆنیكیان بۆ سەر تیرۆریستانی داعش لە ناوچەی بیر ئەحمەد سەر بە قەزای خورماتووی باكووری رۆژھەڵاتی پارێزگای سەڵاحەدین ئەنجامداوە".

ئاماژە بەوەکراوە "لە میانی ئۆپەراسیۆنەكەدا حەشارگەیەكی تیرۆریستانی داعش لەلایەن فڕۆكە جەنگییەكانی (F-16)ی عیراقەوە بۆردوومانكراوە، لە ئەنجامدا هەشت تیرۆریستی داعش كوژراون، هەروەها حەشارگەكەیش خاپووركراوە".

س.ر