مەودا میدیا-

لەمیانی چاوپێکەوتنی محەمەد شیاع سودانی لەگەڵ باڵیۆزی ئەڵمانیا، سەرۆک وەزیرانی عیراق داوای لە ئەڵمانیا کرد یارمەتیی وڵاتەکەی بدات لەگەڕانەوەی پارە دزراوەکان و رادەستکردنی ئەو کەسانەی تۆمەتبارن بە دۆسییەی گەندەڵی.

لەراگەیەندراوێکی حکومەتی عیراقدا هاتووە کە سودانی چاویی بە بالیۆزی ئەڵمانیا کەوتووە و داوای هاوکاری لەو وڵاتە کردووە لە رووبەڕوو بوونەوەی تیرۆر و گەندەڵی لەعیراق. 
لای خۆشییەوە بە نوێنەرایەتی وڵاتەکەی "مارتن یجر" باڵیۆزی ئەڵمانیا لە عیراق، بەڵێنی هاوکاری زیاتری بە عیراق  و دڵنیایی لە پەیوەندییەکانیان لە گەڵ بەغدا داوە.

دیدارەکەی سودانی لەگەڵ باڵیۆزی ئەڵمانیا لەکاتێکدایە کە بەفەرمی بانگهێشتی ئەو وڵاتە کراوە و ئەوەش لەکاتێکدایە کە لەماوەی رابردوودا، سەرۆک وەزیرانی عیراق سەردانی ئێرانی کرد و چاویی بە بەرپرسانی باڵای ئەو وڵاتە کەوت.

 
ژ.م