مەودا میدیا-كاروان مەحمود 

هەرچەندە پێشتر دەنگۆیەك هەبوو لەبارەی پێداچوونەوەی مووچەی فەرمانبەران و كەمكردنەوەی ئەو جیاوازییەی لە مووچەی فەرمانبەران هەیە بەڵام ئەندامێكی لیژنەی دارایی ئەنجومەنی نوێنەران دەڵێت "تا ئێستا بە رەسمی قسەی لەسەر نەكراوە و ئەوە بۆ كاتێك دەبێت نرخی شتومەك بەشێوەیەكی زۆر بەرز ببێتەوە".

د.نەرمین مەعروف، ئەندامی لیژنەی دارایی لە ئەنجومەنی نوێنەران بە مەودا میدیای راگەیاند "تا ئێستا بە رەسمی قسە لەسەر پێداچوونەوەی مووچەی فەرمانبەران نەكراوەو ئەگەر كارێكی لەوجۆرەش بكرێت بۆ كەمكردنەوەی ئەو جیاوازییەیە كە لە مووچەی فەرمانبەران هەیە بە هۆی پلەی فەرمانبەرانەوە و هەروەها باشتركردنی دۆخی دارایی خانەنشینان".

راشیگەیاند "لە ئەگەری زیادبوونی نرخی شتومەك رەنگە ئەم پێداچوونەوەیە بە مووچە بكرێت و لە ئێستا هیچ گفتوگۆیەكی جدی لەبارەوە نەكراوە". 

ك م