مەودا میدیا-

سەرۆک وەزیرانی عیراق بە فەرمی داوای لە سەرجەم وەزارەتەکانی کابینەکەی کردووە کە پابەندی رێککەوتنی سیاسی نێوان هەرێمی کوردستان و عیراق بن.

د. ئومێد سەباح، سەرۆكی دیوانی ئەنجومەنی وەزیرانی هەرێمی كوردستان نووسراوێکی بڵاوکردووەتەوە کە محەمەد شیاع سودانی، سەرۆک وەزیرانی عیراق ئاراستەی وەزارەتەکانی کابینەکەی کردووە و داوایان لێدەکات، پابەندبن بە رێککەوتنی نێوان هەرێمی کوردستان و عیراق.

هەر لەو نووسراوەدا داوا لە هەموو وەزارەتەکان کراوە، بەپێی تایبەتمەندی خۆیان، فەرمانەكەی سەرۆك وەزیرانی عیراق جێبەجێ بكەن و پابەندبن پێوەی.

س.ر