مەودا میدیا-

 وه‌زاره‌تی ته‌ندروستیی عیراق ئاشکرایکرد لە ئاهه‌نگه‌كانی سه‌ری ساڵ بەهۆی یارییه‌ ئاگرینه‌كان و ته‌قه‌ی هه‌ڕه‌مه‌كییه‌وه‌ 150 هاوڵاتیی لە به‌غدا برینداربوون.

سه‌یف به‌در، وته‌بێژی وه‌زاره‌تی ته‌ندروستیی عیراق به‌ ئاژانسی هه‌واڵی فه‌رمی عیراقی راگه‌یاند "لە ئاهه‌نگه‌كانی سه‌ری ساڵ بەهۆی یارییه‌ ئاگرینه‌كان و ته‌قه‌ی هه‌ڕه‌مه‌كییه‌وه‌ 150 هاوڵاتیی لە به‌غدا برینداربوون، هەروەها 20 له‌و هاوڵاتییانه‌ چاوه‌كانیان برینداربوون".

وتەبێژی تەندروستیی عیراق ئاماژەی بەوەکرد "هیچ حاڵه‌تێكی گیانله‌ده‌ستدان به‌هۆی یارییه‌ ئاگرینه‌كانه‌وه‌ له‌ نه‌خۆشخانه‌كانی به‌غدا تۆمارنه‌كراوه‌".

س.ر