مەودا میدیا-

بەپێی هەواڵێكی میدیا جیهانییەكان سەرۆك كۆماری توركیا لە بارەی پرسی كۆچبەران لەگەڵ بەرپرسانی ئەوروپا كۆدەبێتەوە.

باریند لیتس، وتەبێژی سەرۆكی ئەنجومەنی ئەوروپا رایگەیاندووە "رەجەب تەیب ئەردۆغان، سەرۆك كۆماری توركیا بۆ پرسی كۆچبەران سەردانی یەكێتی ئەوروپا دەكات".

باسی لەوەشكردووە "كۆبوونەوەكە ئەمڕۆ دوو شەممە دەبێت لەگەڵ بەرپرسانی ئەوروپا لەسەر ئەو پرسە كۆدەبنەوە و دەیانەوێت پێكەوە بگەنە ئەنجامێك".

لەماوەی دوو هەفتەی رابردوو توركیا وەك هەڵوێستێك تەواوی سنورە وشكانییەكانی بەڕووی كۆچبەران كردەوە ئەوەش بوە مایەی نیگەرانی وڵاتانی ئەوروپا بەهۆیەوە دەیان هەزار كۆچبەر گەیشتنە سنورەكان ئەوروپا.