مەودا میدیا -

 

بەڕێوەبەرایەتی کەشناسی و بومەلەرزەزانی هەرێم رایدەگەیەنێت بە درێژایی رۆژانی نەورۆز ئەگەری هەورەتریشقە و بارانبارین هەیە، بۆیە واباشترە هاوڵاتییان دووربکەونەوە لە شوێنە بەرز و شاخاوییەکان.

 

ئەمڕۆ 19ی ئازاری 2023 بەڕێوەبەرایەتی کەشناسی و بومەلەرزەزانی هەرێم رایگەیاند "بەدرێژایی رۆژی نەورۆز واتە دووشەممەی داهاتوو ئاسمان نیمچە هەور و هەوری تەواوەتی دەبێت، پێشبینی بارانبارین و هەورەتریشقە دەکرێت لە کاتەکانی نیوەڕۆدا و کەشوهەواش کەمێک سارد دەبێت".

 

ئەوەشی خستەڕوو "یەکەمین رۆژی نەورۆز، زۆربەی کاتەکان ئەگەری بارانبارینی کورت خایەن هەیە، پێشبینیش دەکەین هەورەتریشقە و تەرزەی لەگەڵدابێت، رۆژی چوارشەممەی داهاتووش واتە 22ی ئازار هەور و نیمچە هەور دەبێت و کەمتر باران دەبارێت بە بەراورد بە رۆژانی پێشووتری".

 

کەشناسیی هەرێم باس لەوەش دەکات "پێویستە هاوڵاتییان لە هەورەتریشقە دووربکەونەوە و روو نەکەنە ناوچە شاخاویی و بەرزەکان، بۆ پاراستنی گیانی خۆیان ".

ر.ع