مەودا میدیا-

ئەمڕۆ چوارشەممە، وەزارەتی وزەی سعودیە بڕیاریدا بەرهەمهێنانی نەوتی رۆژانەی خۆى بەرزبكاتەوە ئەوەش دژی وڵاتانی ئۆپێكە كە پێشتر نەیانتوانی رێكبكەون بۆ كەمكردنەوەی ئاستی بەرهەمهێنانی نەوت.

ئاژانسی رۆیتەرز بڵاویكردەوە، وەزارەتی وزەی سعودیە لە بەیاننامەیەكدا رایگەیاندووە "كۆمپانیای ئارامكۆ بڕیاریداوە ئاستی بەرهەمهێنانی نەوت لە وڵاتەكەدا بەرزبكاتەوە".

باس لەوەشكراوە "بڕی بەرهەمهێنانی رۆژانە لە 12ملیۆنەوە بۆ 13 ملیۆن بەرزدەكاتەوە ئەوەش كاریگەری لەسەر دابەزینی نرخی نەوت هەیە ".

ئەو بڕیارەی سعودیە دوای ئەوە دێت كە وڵاتانی ئۆپێك بۆ كەمكردنەوەی ئاستی بەرهەمهێنانی نەوت لەماوەی چەند رۆژی رابردوو نەگەشتنە رێككەوتن.