مەودا میدیا-

وەزیری بەرگری توركیا رایگەیاند وڵاتەکەی دەستبەرداری سیستمی بەرگری ئێس 400ی رووسی نابن ئاماژەی بەوەشکرد راھێنانی كارمەندان بۆ بەكارھێنانی ئێس 400 بەردەوامە.

خڵووسی ئاكار، وەزیری بەرگری تورکیا رایگەیاند "وڵاتەكەی دەستبەرداری ئێس400 نابێت و پێویستە بیر لە چارەسەرییەكی ئەوتۆ بكەنەوە كە بۆ ھەمیشە توركیا ببێتە خاوەنی ئێس 400 و سیستمەكە كارا بكەن و تاقیبكەنەوە".

ئاماژەی بەوەشکرد "لەو چوارچێوەیەشدا راھێنانی كارمەندان بۆ بەكارھێنانی ئێس 400 بەردەوامە و ئەم مانگە تەواو دەبێت، ئەوان لەو باوەڕەدان كە بەھاری ساڵی داھاتوو ئێس 400 كارا بكەن".

وەزیری بەرگری تورکیا ئاشكراشی کرد "سەبارەت بە كڕینی كاروانێكی دیكەی سیستمەكە لەگەڵ روسیا لە دانوستانداین".