مەودا میدیا- سازگار ئەحمەد

ئەم هەفتەیە دەست بە دابەشکردنی مووچەی مانگی چوار دەکرێت و رۆژی پێنجشەممە مووچەی لیوا هاوبەشەکانی سەر بە وەزارەتی پێشمەرگە دابەشدەکرێت.

سەرچاوەیەکی تایبەت لە ژمێریاریی وەزارەتی پێشمەرگەی حکومەتی هەرێمی کوردستان بە مەودا میدیای راگەیاند "ئەمڕۆ سێشەممە 2ی ئایاری 2023 ژمێریاریی وەزارەتی دارایی و ژمێریاریی وەزارەتی پێشمەرگە بانکەکانیان ئاگادار کردووەتەوە، رۆژی پێنجشەممە 4ی ئایاری 2023 مووچەی مانگی نیسانی لیوا هاوبەشەکان دابەشدەكرێت".

بڕیاریشە دوای دابەشکردنی مووچەی مانگی چواری لیوا هاوبەشەکان لیستی مووچەی سەرجەم وەزارەتەکانی دیکە بڵاوبکرێتەوە و دەست بە دابەشکردنی مووچە بکرێت.

س.،ر