مەودا میدیا-

لە فەتوایەنی نوێدا ده‌سته‌ی گه‌وره‌ زانایانی سعودییه‌ له‌ فه‌توایه‌كی نوێدا ررایدەگەیەنێت هه‌ر كه‌س توشبووی كۆرۆنا بێت حه‌رامه‌ ئاماده‌یی نوێژی به‌ كۆمه‌ڵ و نوێژی هه‌ینی ببێت ئاماژە بەوەش دەکات هەرکەسێک ترسی هەبوو رێگە پێدراوە بەشداری نوێژی هەینی نەکات.

ه‌سته‌ی گه‌وره‌ زانایانی سعودییه‌ رایگەیاند "لەدوای به‌داداچوونی ورد بۆ ده‌قه‌كانی شه‌ریعه‌ت و مه‌به‌سته‌كانی و رێسا و وته‌ی ئه‌هلی زانست، ده‌سته‌ی گه‌وره‌ زانایان لەبارەی ڤایرۆسی کۆرۆناوە چەند فەتوایەکی نوێی دەرکرد".

ئاماژەی بەوەکردووە "هه‌موو تووشبوویه‌ك حه‌رامه‌ بۆی به‌شداری نوێژی به‌ كۆمه‌ڵ و وتاری هه‌ینی بكات، هەروەها هه‌ر كه‌سێك لایه‌نی پسپۆڕ و په‌یوه‌ندیدار بڕیاری دا ده‌بێت خۆی داببڕێت له‌ خه‌ڵك، ئه‌ركه‌ له‌سه‌ری پابه‌ند بێت و نوێژه‌كانی له‌ ماڵه‌وه‌ یان له‌ شوێنی كه‌ره‌نینه‌كردنی بكات".

ئەوەشی خستووەتەڕوو "هه‌ر كه‌سێك ترسی هه‌بوو، زیانی هه‌بێت بۆ ده‌وروبه‌ری، یان ترسی هه‌بوو زیانی پێده‌گات، رێگه‌ی پێدراوه‌ به‌شداری نوێژی به‌ كۆمه‌ڵ و وتاری هه‌ینی نه‌كات، به‌ڵام نوێژی نیوه‌ڕۆی رۆژی هه‌ینی ده‌بێت چوار ره‌كات بكات لە جیاتی دوو ره‌كات نوێژ".