مەودا میدیا-

راوێژکارێکی عەلی خامنەیی، رێبه‌ری كۆماری ئیسلامی ئێران بۆ كاروباری نێوده‌وڵه‌تی تووشی ڤایرۆسی کۆرۆنا بووە و لە شوێنیکی تایبەت لەژێر چاودێری پزیشکیدایە.

ماڵپەڕی "روسیا الیوم" بڵاویكردووەتەوە "عه‌لی ئه‌كبه‌ر ویلایه‌تی، راوێژكاری عه‌لی خامنه‌یی، رێبه‌ری كۆماری ئیسلامی ئێران بۆ كاروباری نێوده‌وڵه‌تی تووشی ڤایرۆسی كۆرۆنا بووه‌".

ماڵپەڕەکە ئەوەشی ئاشکرا کردووە لە ئێستادا عه‌لی ئه‌كبه‌ر ویلایه‌تی  له‌ شوێنی تایبه‌ت كه‌ره‌نتین كراوه‌ و له‌ ژێر چاودێری پزیشكیدایه‌ بەمەبەستی وەرگرتنی چارەسەر".

جێگای ئاماژەیە، تەنها لەماوەی 24 کاتژمێری رابردوودا 1075 حاڵەتی نوێی توشبووی ڤایرۆسی کۆرۆنا لە ئێران تۆمارکراوە، هەروەها 75 کەسی دیکەش بەهۆی ڤایرۆسەکەوە گیانیان لەدەستداوە.