مەودا میدیا-

حکوموتی ئیسپانیا بەمەبەستی رێگریكردن له‌ ته‌شه‌نه‌كردنی ڤایرۆسی كۆرۆنا لە وڵاتەکەی باری نائاسایی راگەیاند و داوا لە هاوڵاتییان دەکەن لە ماڵەکانیان بمێنەوە.

سەرۆک وەزیرانی ئیسپانیا بۆ ماوەی 15 رۆژ باری نائاسایی لە وڵاتەکەی راگەیاند بەمەبەستی رێگریکردن لە بڵاوبوونەوەی ڤایرۆسی کۆرۆنا و بۆ ئەم مەبەستەش سەرجەم هێزە ئەمنییەکان خراوناتە حاڵەتی ئامادە باشییەوە.

وەزارەتی تەندروستی ئیسپانیا ئاشکرایکرد "تا ئێستا 5 هه‌زار و 700 كه‌س له‌و وڵاته‌ تووشبوون كه‌ ته‌نها له‌رۆژی رابردوودا 1500 كه‌س له‌و وڵاته‌ گیرۆده‌ی ڤایرۆسی كۆرۆنا بوون".

هەروەها، وه‌زاره‌تی ته‌ندروستی ئیسپانیا داوای له‌ هاوڵاتییان دەکات بۆ كاری زۆر پێویست نه‌بێت له‌ ماڵه‌كانیان نه‌یه‌نه‌ ده‌ره‌وه‌.