مەودا میدیا-

دوای ئەوەی دوێنێ لە کۆبوونەوەی ئەنجومەنی وەزیرانی هەرێمی کوردستان پڕۆژەیاسای چاکسازی پەسەند کرا ئه‌مڕۆ پڕۆژە یاساکە نێردرایە پەرلەمانی کوردستان.

پەرلەمانی کوردستان لە راگەیاندراوێکدا بڵاویکردەوە و رایگەیاند "پڕۆژە یاسای چاکسازی لەلایەن وەزیری هەرێم بۆ کاروباری پەرلەمان گەیشتە دەستەی سەرۆکایەتی پەرلەمانی کوردستان".

لە راگەیاندراوەکەشدا هاتووە "بڕیارە دەستەی سەرۆکایەتی پەرلەمانی کوردستان بانگهێشتی ئه‌ندامانی په‌رله‌مان بكات بۆ دانیشتنی پەرلەمان بەمەبەستی خوێندنه‌وه‌ی یه‌كه‌م بۆ پڕۆژه‌ یاساكه‌".