مەودا میدیا-

وەزارەتی تەندروستیی ئێران رایدەگەیەنێت ژمارەی تووشبووانی ڤایرۆسی کۆرۆنا گەیشتووەته 18هەزار و 407 کەس تاوەکو ئێستاش  5979 کەسیش چاکبوونەتەوه.

عەلی رەزا رەئیسی، جێگری وەزیری تەندروستیی ئێران ئەمڕۆ رایگەیاند "له 24 کاتژمیری رابردوو 1044 تووشبووی نوێ تۆمار کراوه و بەمجۆرەش ژمارەی تووشبووان گەیشته 18407 کەس".

ئاماژەی بەوەشکرد "هەر له 24 کاتژمێری رابردوو 149 کەس له پارێزگا جیاجیاکانی ئێران به کۆرۆنا گیانیان لەدەستداوه و ژمارەی ئەو کەسانەی بەهۆی ڤایرۆسەکەوە گیانیان لەدەستداوە  1284 کەسە، هەروەها 5979 کەسیش چاکبوونەتەوه و نەخۆشخانەکانیان جێهێشتووه".