مەودا میدیا-

چۆپی فەتاح خانمە گۆرانیبێژی دیاری كورد، نوێترین بەرهەمی خۆی بڵاوكردەوە بە ناوی "ویژدان".

پاش پێنج مانگ لە بڵاوكردنەوەی بەرهەمێك بە شێوەزاری كرمانجی، ئەمجارە چۆپی فەتاح بە شێوەزاری سۆرانی كلیپی ویژدانی بڵاوكردەوە كە بەرهەمێكی سۆزدارییە.

گۆرانیی ویژدان لە تێكستی حەمەسەعید حەسەن، ئاوازی بورهان موفتی و كاری دابەشكردنیشی لەلایەن ئەمیر جەباریان بۆ كراوە، ئەمڕۆ  لە چانێڵی یوتیوبی خانمە هونەرمەند چۆپی بڵاوكراوەتەوە.

چۆپی فەتاح، لەدایكبووی 1983ی شاری كەركوكە، ژیانی هاوژینی پێكهێناوە و دایكی كچێكە، لەئێستاشدا بێجگە لە كاری هونەری خاوەنی براندێكی پۆشاكی كوردییە.