مەودا میدیا-

بەهۆی هەڵكشانی نەخۆشی ڤایرۆسی كۆرۆنا لە وڵاتی ئیتاڵیا بەرپرسانی ئەو وڵاتە باسیان لەوكرد دۆخەكە لە كۆنترۆڵ دەرچووە و فریاناكەون.

نەخۆشی كۆرۆنا لە وڵاتی چین بڵاوبووەوە، بەڵام هەر زوو بەرپرسانی ئەو وڵاتە توانیان بە كەمترین زیان لەو نەخۆشیە رزگاریان بێت، ئەوەی ئێستا بوەتە مەترسی گەورە وڵاتی ئیتاڵیایە.

هەرچەندە ڤایرۆسەكە لە وڵاتی چینەوە سەریهەڵدا، بەڵام لە هەفتەی پێشوەوە لەو وڵاتە دۆخەكە ئاسایی بوەتەوە و ژمارەی مردوانیش بەو ڤایرۆسە تەنیا 3 هەزار و 245 كەس بوو.

ئێستا ئیتاڵیا گیرۆدەی ئەو نەخۆشیە بووە و دۆخەكە لە كۆنترۆڵ دەرچووە، تائێستا سەرو 3 هەزار و 400 كەس بەهۆی ڤایرۆسەكە مردون واتە رێژەكە زیاتر لە وڵاتی چین.

هەروەها بە دەیان هەزار هاوڵاتی لە ئیتاڵیا توشی ڤایرۆسەكە بوون و ژمارەی توشبووان و گیان لەدەستدان تا دێت زیاتر دەبێت.