مەودا میدیا-

ئەمڕۆ شەممە نرخی نەوت لە بۆرسەی جیهانی جارێكی تر دابەزینی تۆماركرد كە لە ساڵی 1991ەوە بەو شێوەیە نرخەكەی دانەبەزیووە.

ئاژانسی رۆیتەرز لە راپۆرتێكدا باسی لەوەكردووە" نرخی نەوت بەشێوەی بەرچاو دابەزینی تۆماركردووە بەشێوەیەك كە لە ساڵ 1991ەوە تائێستا بەو شێوەیە دابەزینی تۆمارنەكردووە".

باسی لەوەشكردووە "نرخی یەك بەرمیل نەوتی برێنت لە بۆرسە 26 دۆلار و 98 سەنتە و نرخی یەك بەرمیل نەوتی جۆری خاو 22 دۆلار و 63 سەنتە".

دابەزینی نرخی نەوت كاریگەری راستەوخۆی دەبێت لەسەر ئابووری عیراق و هەرێمی كوردستان بەهۆی ئەوەی بۆ پێدانی مووچە پشت بە داهاتی نەوت دەبەستن.