مەودا میدیا-

دوینێ سێشەممە 14ی تشرینی دووەمی 2023 دادگای باڵای فیدراڵیی عیراق، لەسەر سكاڵای لەیس دلێمی، ئەندامی پێشووی پەرلەمانی عیراق، ئەندامێتیی محەمەد حەلبووسی، سەرۆكی ئەنجومەنی نوێنەرانی عیراقی لە ئەنجومەنی نوێنەران هەڵوەشاندەوە.

 محەمەد حەلبوسی، سەرۆکی دوورخراوەی ئەنجومەنی نوێنەرانی عیراق لەبارەی بڕیارەکەی دادگای فیدراڵی بۆ دوورخستنەوەی لە ئەرکەکەی، رایگەیاند "ئەركی دادگای فیدراڵی پابەندبوونە بە دەستوور، بەڵام دادگاكە ئەو كارەی نەكردووە".

ئاماژەی بەوەشکرد "ئەگەر دەسەڵاتی دادوەری پێشێلی دەستوور بكات، لایەنە ناكۆكەكان روو لە كوێ بكەن، دەستووری عیراقی زۆر بەوردی حاڵەتەكانی دوورخستنەوەی پەرلەمانتارانی دیاری كردووە، ئەوانیش: گیانلەدەستدان، دەستلەكاركێشانەوە یاخود ئەنجامدانی تاوان و نەخۆشییە".

س.ر