مه‌ودا میدیا - 

به‌گوێره‌ی هه‌واڵی بلۆمبێرگی ئه‌مه‌ریكیی، به‌ سه‌روه‌تی 100 ملیار دۆلار، فرانسوا مایه‌رز بوو به‌ یەکەم ژن له‌ ده‌وڵه‌مه‌ندییدا له‌سه‌ر ئاستی جیهان. 

ئه‌و ئاژانسه‌ كه‌ بایه‌خ به‌ هه‌واڵه‌ ئابوورییه‌كان ده‌دات، روونیكرده‌وه‌، به‌پێی پێوه‌ره‌كانی ملیاردێربوون، رۆژی پێنجشه‌ممه‌ 28 كانوونی یه‌كه‌می 2023، سامانه‌كه‌ی مایه‌رز 100 ملیار دۆلاری تێپه‌ڕاند و بوو به‌یه‌كه‌م ژن له‌ جیهاندا خاوه‌نی ئه‌و سه‌روه‌ته‌ بێت. 

فرانسوا مایه‌رز، له‌دایكبووی 1953ی به‌ریتانیا، له‌ئێستادا وه‌ك نوسه‌ر و سه‌رمایه‌دارێكی فه‌ره‌نسیی ناسراوه‌ و له‌ ساڵانی رابردووشدا كاتێك سه‌روه‌كه‌ته‌ی 86 ملیار دۆلار یان كاتێك به‌رزبووه‌وه‌ بۆ 91 ملیار دۆلار، هه‌مان نازناوی پێبه‌خشرا. 

ئه‌وه‌ش له‌كاتێكدایه‌، پێشتر ته‌نها پیاوان وه‌ك ملیار و یه‌كه‌مینه‌كانی بواری دارایی له‌سه‌ر ئاستیی جیهان ده‌رده‌كه‌وتن، كه‌ دیارترینیان به‌ناوی ئیلۆن ماسك كه‌ خاوه‌ن زیاتر له‌ 250 ملیار دۆلاره‌.