مه‌ودا میدیا-

نرخى مریشكى زیندوو له‌ بازاڕه‌كاندا به‌ ته‌واوى دابه‌زى، سه‌رۆكى كۆمه‌ڵه‌ى كێڵگه‌ په‌له‌وه‌رییه‌كانیش ده‌ڵێت، زیانى زۆرمان به‌ركه‌وتووه‌.

نازم جاف، سه‌رۆكى كۆمه‌ڵه‌ى كێڵگه‌ په‌له‌وه‌رییه‌كانى كوردستان به‌ مه‌ودا میدیاى راگه‌یاند "زیاتر له‌ سێ هه‌فته‌یه‌ نرخى مریشك له‌ بازاڕه‌كاندا به‌رده‌وامه‌ له‌ دابه‌زین، ئه‌و دابه‌زینه‌ش زیانى زۆرى به‌ خاوه‌ن كێڵگه‌كانى گه‌یاندووه‌".

ئاماژه‌ى به‌وه‌شكرد، ئه‌مشه‌و یه‌ك كیلۆ مریشكى زیندوو له‌ كێڵگه‌ په‌له‌وه‌رییه‌كانه‌وه‌ به‌ 2050 دینار فرۆشراوه‌، ئه‌وه‌ش نرخێكى زۆر كه‌مه‌ له‌كاتێكدا تێچووى یه‌ك كیلۆ له‌سه‌ر خاوه‌ن كێڵگه‌كانى سێ هه‌زار دیناره‌".

رێژین عه‌لى، مریشكفرۆش له‌ سلێمانى به‌ مه‌ودا میدیاى راگه‌یاند "یه‌ك كیلۆ مریشك كه‌ به‌ هاووڵاتییان ده‌فرۆشرێت به‌ 2350 دیناره‌، هۆكاره‌كه‌شى ئه‌وه‌یه‌ مریشكێكى زۆر هه‌یه‌ و خستنه‌ڕوو زیادى كردووه‌ به‌راورد به‌ خواست".


ه،ع