مه‌ودا میدیا-

ماوه‌ى یه‌ك مانگه‌ نرخى مریشك له‌ بازاڕه‌كان و كێڵگه‌ په‌له‌وه‌رییه‌كان به‌ هه‌رزانى ماوه‌ته‌وه‌ و به‌هۆیه‌وه‌ زیانێكى زۆر به‌ر خاوه‌ن كێڵگه‌ په‌له‌وه‌رییه‌كان كه‌وتووه‌.

نازم عه‌بدوڵا، سه‌رۆكى كۆمه‌ڵه‌ى كێڵگه‌ په‌له‌وه‌رییه‌كان به‌ مه‌ودا میدیاى راگه‌یاند "نرخى مریشك له‌ كێڵگه‌ په‌له‌وه‌رییه‌كانه‌وه‌ زۆر دابه‌زیووه‌، ئه‌و دابه‌زینه‌ش زیانى زۆر به‌ر خاوه‌ن كێڵگه‌ په‌له‌وه‌رییه‌كان داوه‌".

باسى له‌وه‌شكرد "بۆ هه‌ر كیلۆیه‌ك مریشك نزیكه‌ى سێ هه‌زار دینار له‌سه‌ر خاوه‌ن كێڵگه‌كانه‌، به‌ڵام ئێستا نرخه‌كه‌ى له‌ 2250 دینار كه‌متریشه‌".

رێژین عوسمان، مریشكفرۆش به‌ مه‌ودا میدیاى راگه‌یاند "نرخى مریشك له‌ بازاڕ 2450 دیناره‌ بۆ یه‌ك كیلۆ، ماوه‌ى زیاتر له‌ مانگێكیشه‌ ئه‌و نرخه‌ به‌ هه‌رزانى ماوه‌ته‌وه‌".

ه،ع