مه‌ودا میدیا-

حكومه‌تى هه‌رێمى كوردستان بڵاویكرده‌وه‌، له‌ پرۆسه‌ى دابه‌شكردنى نه‌وت زیاتر له‌ 230 ملیۆن لیتر نه‌وتمان به‌سه‌ر هاوڵاتییان دابه‌شكردووه‌.

حكومه‌تى هه‌رێمى كوردستان بڵاویكرده‌وه‌ "له‌ سه‌ره‌تاى پرۆسه‌ى دابه‌شكردنى نه‌وتى سپى هه‌تا رۆژى 20ى كانونى دووه‌م، 230 ملیۆن لیتر نه‌وتى سپى به‌سه‌ر خێزانه‌كانى هه‌رێمى كوردستان دابه‌شكراوه‌".

باس له‌وه‌شكراوه‌ "له‌ هه‌ولێر 95  ملیۆن لیتر دابه‌شكراوه‌، سلێمانی و هەڵەبجە، نزیکەی 87 ملیۆن لیتر، دهۆک، زیاتر لە 48 ملیۆن لیتر دابه‌شكراوه‌".

ئه‌وه‌ش خراوه‌ته‌ڕوو "تا ئێستا زیاتر لە یه‌ك ملیۆن و 150 هه‌زار خێزان لە وەرگرتنی نەوتی سپیی حکومەتی هەرێم سوودمەند بوون، واته‌ لە (89%)ی کۆی ژمارەی خێزانەکانی هەرێم".

له‌باره‌ى نه‌وتى سپى حكومه‌تى عێراق "تا رۆژی 20-1-2024 نزیکەی 15 ملیۆن لیتر نەوتی سپی بۆ هەرێمی کوردستانی ناردووە،هەولێر، نزیکەی حەوت ملیۆن لیتر، سلێمانی، زیاتر لە دوو ملیۆن لیتر، دهۆک، زیاتر لە پێنج ملیۆن لیتر".

ه،ع