مه‌ودا میدیا-

ئه‌ندامێكى لیژنه‌ى دارایی په‌رله‌مانى عیراق رایگه‌یاند، ئه‌نجومه‌نى وه‌زیرانى عیراق بودجه‌ى ئه‌مساڵ ره‌وانه‌ى په‌رله‌مان ده‌كات و ئه‌گه‌رى هه‌موارى هه‌موو بڕگه‌و مادده‌كانى هه‌یه‌.

جه‌مال كۆچه‌ر، ئه‌ندامى لیژنه‌ى دارایی عیراق به‌ مه‌ودا میدیاى رایگه‌یاند "پرسى مووچه‌ى فه‌رمانبه‌رانى هه‌رێمى كوردستان بۆ ئه‌مساڵ چاره‌سه‌ر ده‌كرێت و گرفتێك نامێنێ".

باسى له‌وه‌شكرد "له‌ چه‌ند رۆژى داهاتوو ئه‌نجومه‌نى وه‌زیرانى عیراق بودجه‌ى ئه‌مساڵ ره‌وانه‌ى په‌رله‌مانى عیراق ده‌كات و پێشبینى ده‌كرێت گۆڕانكارى له‌ هه‌موو بڕگه‌و مادده‌كانى بكرێت".

وتیشى "هه‌موو هه‌وڵه‌كان بۆ ئه‌وه‌ن كێشه‌ى مووچه‌ى فه‌رمانبه‌رانى هه‌رێم چاره‌سه‌ر بكرێن".

به‌پێى یاساى بودجه‌، پشكى هه‌رێمى كوردستان مانگانه‌ یه‌ك تریلیۆن و 300 ملیار دیناره‌، به‌ڵام تا ئێستا به‌غدا ئاماده‌ نه‌بووه‌ ئه‌و بڕه‌ پاره‌یه‌ بۆ هه‌رێمى كوردستان بنێرێت به‌هۆى ناروونییه‌كانى حكومه‌تى هه‌رێم.

ه،ع