مه‌ودا میدیا-

ئه‌و ره‌شه‌با به‌هێزه‌ى كه‌ چه‌ند رۆژه‌ كه‌شناسى باسى ده‌كات، له‌ به‌ره‌به‌یانى ئه‌مڕۆ یه‌كشه‌ممه‌ له‌ سلێمانى هه‌ڵیكردووه‌ و به‌هۆیه‌وه‌ زیانى زۆریشى داوه‌.

به‌ره‌به‌یانى ئه‌مڕۆ یه‌كشه‌ممه‌، ره‌شه‌بایه‌كى به‌هێز شارى سلێمانى گرتووه‌ته‌وه‌ و به‌پێى زانیارییه‌كانى مه‌ودا میدیا زیانى به‌ دار و دره‌ختى سه‌ر شه‌قامه‌كان و گه‌ڕه‌كه‌كان داوه‌ و به‌هۆیه‌وه‌ چه‌ندین دارى سه‌به‌حبه‌ح شكاونه‌ته‌وه‌.

پشتیوان ئیبراهیم، شاره‌زاى كه‌شوهه‌وا به‌ مه‌ودا میدیاى راگه‌یاند "ئه‌و ره‌شه‌بایه‌ له‌ سلێمانى و هه‌ڵه‌بجه‌ و راپه‌ڕین و شاره‌زوور به‌ خێراییه‌كى زیاتر ده‌ستیپێكردووه‌ و زیانیشى زۆرتر ده‌بێت له‌ هه‌ندێ ناوچه‌ى تر".

باسى له‌وه‌شكرد "خێرایی ئه‌و ره‌شه‌بایه‌ له‌و ناوچانه‌ 70 كیلۆمه‌تره‌ له‌ كاتژمێرێكدا و له‌ هه‌ندێ ناوچه‌ش كه‌متر له‌ 60 كیلۆمه‌تره‌ و چه‌ند رۆژێكى تریش به‌رده‌وام ده‌بێت".

ه،ع