مەودا میدیا-

وەزیری تەندروستی بەریتانیا تووشی ڤایرۆسی کۆرۆنا بووە و لە ئێستادا خۆی کەرەنتینە کردووە و لەژێر چاودێری پزیشکیدایە.

ماڵپەڕی سکای نیوز بڵاویکردەوە، مات هانکۆک، وەزیری تەندروستی بەریتانیا پشکنینی ڤایرۆسی کۆرۆنای ئەنجامداوە و ئەنجامی پشکنینەکەی ئەرێنی بووە و هەڵگری ڤایرۆسەکەیە.

ئاماژە بەوەشکراوە، لە ئێستادا خۆی کەرەنتینە کردووە و لە ژێر چاودێری پزیشکیدایە.

جێگای ئاماژەیە، هەر ئەمڕۆ سەرۆک وەزیرانی بەریتانیا تووشبوونی خۆی بە ڤایرۆسی کۆرۆنا راگەیاند و لە ئێستادا خۆی کەرەنتینەکردووە و بەشێوەی ئۆنلاین کارەکانی حکومەت بەڕێوە دەبات.