گێتی
وه‌زیرى به‌رگرى ئه‌مه‌ریكا: 25 هه‌زار ژن و منداڵ كوژراون
مەودا میدیا - سلێمانی |
مه‌ودا میدیا-
وه‌زیرى به‌رگرى ئه‌مه‌ریكا رایگه‌یاند، ئیسرائیل به‌رده‌وامه له هێرشه‌كانى بۆ سه‌ر كه‌رتى غه‌ززه و به‌هۆیه‌وه ده‌یان هه‌زار ژن و منداڵى كوشتووه.
لۆید ئۆستن، وه‌زیرى به‌رگرى ئه‌مه‌ریكا رایگه‌یاند "له ماوه‌ى دروستبوونى شه‌ڕى نێوان ئیسرائیل و غه‌ززه، ئیسرائیل به‌رده‌وام هێرشه‌كانى له‌ناو كه‌رتى غه‌ززه به زه‌مینى و ئاسمان و ده‌ریایی درێژه پێداوه".
باسى له‌وه‌شكرد "له سه‌ره‌تاى شه‌ڕه‌كه‌وه تا ئێستا ئیسرائیل سه‌رو 25 هه‌زار ژن و منداڵى كوشتووه و پێویسته كۆتایی به‌و كوشتارییه بێنێت".
وتیشى "له‌سه‌ر ئیسرائیل پێویسته به‌و جۆره شه‌ڕ نه‌كات و خه‌ڵكى مه‌ده‌نى بپارێزێت نه‌ك به‌ئامانجیان بگرێت و خه‌ڵكى مه‌ده‌نى بكوژێت".
به‌پێى دوایین ئاماره‌كانى كه بڵاوكراونه‌ته‌وه، له‌سه‌ره‌تاى شه‌ڕه‌وه تا ئێستا سه‌رو 100 هه‌زار كه‌س له غه‌ززه كوژراون و برینداربوون.
ع،ه
بیروڕا
