مەودا میدیا-

وەزیری تەندروستیی تورکیا رایدەگەیەنێت دوو هەزار و 69 کەسی دیکە لە تورکیا تووشی ڤایرۆسی کۆرۆنا بوون ئاماژەی بەوەشکردووە 17کەسی دیکە بەهۆی کۆرۆناوە گیانیان لەدەستداوە.

فەخرەدین کۆجا، وەزیری تەندروستیی تورکیا رایگەیاند "لە ماوەی 24 کاتژمێری رابردوو دوو هەزار و 69 کەسی دیکە پشکنینەکانیان پۆزەتیڤ بووە و تووشی ڤایرۆسی کۆرۆنا بوون، بەمەش کۆی گشتیی ژمارەی تووشبووان بە کۆرۆنا لەو وڵاتە گەیشتە پێنج هەزار و 698 کەس".

ئاماژەی بەوەشکردووە "ژمارەی ئەو کەسانەی لە 24 کاتژمێری رابردوودا بە کۆرۆنا گیانیان لەدەستداوە 17 کەس بوون، بەمەش ژمارەی ئەو کەسانەی بەهۆی کۆرۆناوە گیانیان لەدەستداوە گەیشتە 92 کەس".