مەودا میدیا-

ژمارەیەك سیناتۆری ئەمریكی سەر بە دیموكراتەكان داوایان كردووە وڵاتەكەیان سزاكانی سەر ئێران هەڵگرێت لە پێناو بەرنگاربوونەوەی كۆرۆنا.

ئەو سیناتۆرە ئەمریكیانە لە نامەیەكدا كە بۆ مایك پۆمپیۆ، وەزیری دەرەوەی ئەمریكایان ناكردووە باسیان لەوەكردووە "لە پێناو رووبەڕووبوونەوەی نەخۆشی كۆرۆنا لەو دۆخەی ئێستا پێویستە سزاكانی سەر ئێران و فەنزوێلا هەڵبگیرێت".

ئەو سیناتۆرانە ئەوەشیان خستوەتەڕوو "ئەو دوو وڵاتە كە گەمار خراوەتەسەریان، لە رووبەڕووبوونەوەی كۆرۆنا توشی كێشە دەبن لە رووی كەلوپەل و پێویستی تەندروستی".

ئەو سیناتۆرانە هەر یەكە لە کریس مۆرفی، تام کارپێر، بێن کاردین، پاتریک لیهی، برایان ساتێز، ڕیچارد بلۆمێنتاڵ، کریس وێن هۆلێن، تیم کەین، تام یۆداڵ، شرۆد براون و جێفری مێرکلی.