مه‌ودا میدیا-

مامۆستایه‌كى ناڕازى رایده‌گه‌یه‌نێت، ئه‌گه‌ر حكومه‌تى هه‌رێم به‌رده‌وامبێت له‌ ده‌ستبه‌سه‌رداگرتنى مووچه‌ى مامۆستایان و فه‌رمانبه‌ران هه‌ڵوێستى توندمان ده‌بێت.

سامان عه‌لى، ئه‌ندامى مامۆستایانى ناڕازى به‌ مه‌ودا میدیاى راگه‌یاند "به‌غدا ماوه‌ى زیاتر له‌ دوو هه‌فته‌یه‌ مووچه‌ى فه‌رمانبه‌رانى ناردووه‌ و حكومه‌تى هه‌رێم به‌ فه‌رمانى مه‌سرور بارزانى ده‌ستى به‌سه‌ر مووچه‌ى فه‌رمانبه‌ران گرتووه‌ و دابه‌شى ناكات".

وتیشى "له‌ رۆژانى داهاتوو هه‌ڵوێستى توندومان ده‌بێت به‌رانبه‌ر ئه‌و كاره‌ى حكومه‌ت و برسیكردنى خه‌ڵكى هه‌رێم و مووچه‌خۆر".

باسى له‌وه‌شكرد "له‌ یه‌كه‌م هه‌نگاو هه‌ژمارى من ره‌تده‌كه‌ینه‌وه‌ و به‌ هیچ شێوه‌یه‌ك له‌گه‌ڵ ئه‌و هه‌ژماره‌ى نین و داوا ده‌كه‌ین یه‌كێتى له‌ سنورى سلێمانى رایبگرێت، ئه‌و فشاره‌ش حكومه‌تى تووشى كێشه‌ كردووه‌ و به‌غداش ئاماده‌ نییه‌ كارى پێ بكات".

ع،ه