مەودا میدیا-
بەپێی پێشبینییەكانی كەشوهەوا، ئەمڕۆ و سبەی لە هەرێمی كوردستان پلەكانی گەرما دوو بۆ حەوت پلە بەرز دەبنەوە و بەرزترین پلەی گەرماش لە ناوچەكانی گەرمیان دەبێت. 

بەڕێوەبەرایەتیی گشتیی كەشناسی و بوومەلەرزەزانیی هەرێمی كوردستان رایگەیاند، ئەمڕۆ هەینی 29ی ئادار، ئاسمانی هەرێمی كوردستان لە زۆربەی كاتەكاندا لە نێوان ساماڵ و پەڵەهەوردا دەبێت و پلەی گەرماش بەراورد بە دوێنێ سێ‌ بۆ چوار پلە بەرزدەبێتەوە.

ئاماژەی بۆ ئەوەشكردووە، سبەی شەممە ئاسمان ساماڵ و پەڵەهەور دەبێت و پلەی گەرما دوو بۆ سێ‌ پلە بەراورد بە ئەمڕۆ بەرزتردەبێتەوە. 

پێشبینیی كەشناسیی هەرێمی كوردستان بۆ پلەكانی گەرما بەم جۆرەیە: 

هەولێر: 25
سلێمانی: 23
دهۆك: 24
هەڵەبجە: 22
كەركوك: 27
گەرمیان: 30
 ئ پ