مه‌ودا میدیا-

ده‌رباز كۆسره‌ت ره‌سوڵ، ئه‌ندامى مه‌كته‌بى سیاسیی یه‌كێتیی نیشتمانیی كوردستان رایگه‌یاند، هەرێمی کوردستان ناوچەیەکی ئارامە بۆ تەواوی ئایین و مەزهەبە جیاوازەکان.

ئه‌مڕۆ چوار شه‌ممه‌ 3ى نیسانى 2024، ده‌رباز كۆسره‌ت ره‌سوڵ، له‌ شارى هه‌ولێر سەردانی مەتران بەشار مەتی وەردە، سەرۆکی ئەساقیفەی ئیبرەشیەی کلدانی هەولێر و مەتران  نسنائیل نزار سەرۆکی ئیبره‌شیەی حدیاب لە تایفەی سریانی کاسۆلیکى کرد.

له‌ میانى سه‌ردانه‌كه‌شیدا رایگه‌یاند، جەختمان لەوە کردەوە کە هەرێمی کوردستان ناوچەیەکی ئارامە بۆ تەواوی ئایین و مەزهەبە جیاوازەکان.

ئاماژه‌ى به‌وه‌شكرد، لەسۆنگەی پێکەوەژیانی هاوسەنگییانە لە نێوان گشت پێکهاتەکانی کوردستان وەک یەکێتیی نیشتمانیی کوردستان لە پەرلەمانی داهاتووی هەرێمی کوردستان کار لەسەر یاساییەکی گشتگیری هەڵبژاردن دەکەین بەڕاوێژ لەگەڵ هەموو لایەنە سیاسییەکان بۆ پاراستنی مافی پێکهاتەکان و کورسی کریستیانەکان کە نوێنەرایەتی راستەقینەی کریستیانەکان بن لەهەرێمی کوردستان.


پ ح ع