مه‌ودا میدیا-

به‌بۆنه‌وه‌ى به‌ستنى هه‌شته‌مین كۆنگره‌ى پارتی سۆسیال دیموكراتی كوردستان، بافڵ جه‌لال تاڵه‌بانی، سه‌رۆكی یه‌كێتیی نیشتمانیی كوردستان په‌یامێك ئاڕاسته‌ی محه‌مه‌د حاجی مه‌حمود كرد و رایده‌گه‌یه‌نێت، جه‌خت له‌ پته‌وكردن و په‌ره‌پێدانی په‌یوه‌ندییه‌كانی نێوان یه‌كێتیی و پارتی سۆسیال دیموكرات ده‌كه‌مه‌وه لەپێناو هاریكاری و هەماهەنگیی زیاتر بۆ بەدیهێنانی مافەكانی گەلەكەمان ‌.


دەقی پەیامی بافڵ جەلال تاڵەبانی:
 
‎بەڕێز محەمەد حاجی مەحمود، سەرۆکی پارتی سۆسیال دیموکراتی کوردستان


‎بەبۆنەی هەڵبژاردنەوەی بەڕێزتان وەك سەرۆكی پارتی سۆسیال دیموکراتی کوردستان و بەستنی هەشتەمین کۆنگرەی پارتە شۆڕشگێرەکەتانەوە، پیرۆزباییەكی گەرمتان لێدەكەم و هیوادارم راسپاردەكانی كۆنگرە و بڕیارەكانتان لەخزمەت گەشەپێدانی كوردستان، دەستەبەركردنی ژیانی شایستە بۆ هاونیشتمانییان و حوكمڕانییەكی تەندروستدا بێت.
 
‎لەم دەرفەتەدا جەخت لە پتەوكردن و پەرەپێدانی پەیوەندییەكانی نێوان یەكێتیی نیشتمانیی كوردستان و پارتی سۆسیال دیموكرات دەكەمەوە لەپێناو هاریكاری و هەماهەنگیی زیاتر بۆ بەدیهێنانی مافەكانی گەلەكەمان.
 
‎شاد و سەرفرازبن

‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان