مه‌ودا میدیا-

سه‌ندیكاى کرێکارانی بیناسازی لە هەرێمی کوردستان رایگه‌یاند، له‌ ماوه‌ى ساڵى رابردوو له‌ هه‌رێمى كوردستان 73 كرێكار له‌سه‌ر كار گیانیان له‌ ده‌ستداوه‌.

لە ڕاگەیاندراوێكى ئه‌و سه‌ندیكایه‌ هاتووه‌ " لەساڵی 2023، له‌ هه‌رێمى كوردستان 73 کرێکار لەشوێنی کارەکانیان گیانیان لەدەستداوە کە تەمەنیان لە نێوان 15 بۆ 70 ساڵ بووه‌".

باس له‌وه‌شكراوه‌ "لە هەولێر 22 کرێکار، لەسلێمانی 19 کرێکار، لەدهۆک شەش کرێکار، لە هەڵەبجە پێنج کرێکار و لە کەرکووکیش 21 کرێکار گیانیان له‌ ده‌ستداوه‌".

ئه‌وه‌ش خراوه‌ته‌ڕوو "  18 کەس لەو کرێکارانە کرێکاری بیانی بوون، زۆرترین حاڵەتەکانی گیانلەدەستدانی کرێکاران لەکاتی کاردکردندا لەساڵی رابردوو بەهۆی کەوتنەخوارەوەیان بووە لەشوێنە بەرزەکان".

ع،ه