مه‌ودا میدیا-

به‌بۆنه‌ى هاتنه‌وه‌ى جه‌ژنى ره‌مه‌زان و هاتنى گه‌شتیاران، میوانخانه‌ و چێشتخانه‌كان كراوه‌ ده‌بن و سه‌رۆكى لقى سلێمانى كۆمه‌ڵه‌كه‌ش رایده‌گه‌یه‌نێت، هه‌موو ئاماده‌كارییه‌كمان كردووه‌ و هیچ گرفتێكمان نییه‌ له‌ پێشوازى میواناندا.
 
مه‌حمود تۆفیق، سه‌رۆكى لقى سلێمانى كۆمه‌ڵه‌ى میوانخانه‌ و چێشتخانه‌كان بۆ مه‌ودا میدیا رایگه‌یاند، به‌ مه‌به‌ستى پێشوازیكردن له‌ میوانان و گه‌شتیاران هه‌موو ئاماده‌كارییه‌كمان كردووه‌ و زیاتر له‌ 100 شوێن كراوه‌یه‌، بێجگه‌ له‌ هۆڵ و شوێنه‌ داخراوه‌كانیش.

وتیشى، هیچ گرفتێكمان نییه‌ و خواردن و شوێنى حه‌وانه‌وه‌ و هه‌موو ئه‌و شوێنانه‌ى ده‌كه‌ونه‌ سه‌ر شه‌قامه‌ سه‌ره‌كییه‌كان و گه‌شتیاری پێدا تێده‌په‌ڕن ئاماده‌كراون.

ئاماژه‌ى به‌وه‌شكرد، به‌هۆى پشووه‌وه‌ و دابه‌شكردنى دوو مووچه‌ له‌م مانگه‌دا، پێشبنیی ده‌كه‌ین رێژه‌ى گه‌شتیاران و میوانانمان زۆر بن.

پ ح ع