مه‌ودا میدیا-

لیژنه‌ی دیاریكردنی نرخی كاره‌باى موه‌لیده‌ ئه‌هلییه‌كان رایگه‌یاند، بۆ مانگى نیسان یه‌ك ئه‌مپێر كاره‌با له‌نێوان 7500 بۆ 8500 دینار ده‌بێت.

له‌ راگه‌یه‌ندراوێكى ئه‌و لیژنه‌یه‌ هاتووه‌ "بۆ مانگى نیسان یه‌ك ئه‌مپێر كاره‌باى موه‌لیده‌ له‌ناو شار 7500 دینار بۆ 8500 دینار ده‌بێت، تێكڕا له‌و مانگه‌دا 187 بۆ 212 کاتژمێر کاریان کردوە".

باس له‌وه‌شكراوه‌ "ئەو موەلیدانەش کە کارکردنیان 24 کاتژمێرییە نرخى ئەمپێریان 10.000 دینارە.

هه‌روه‌ها "رۆژانه‌ كاتژمێر 1ی نیوه‌رۆ بۆ 1ی شه‌و كارده‌كه‌ن هه‌ركاتێك كه‌ كاره‌بای نیشتمانی كوژایه‌وه‌و به‌یانیانیش موه‌لیده‌كانی كاتژمێر 6.30 بۆ 8ی به‌یانی كارده‌كه‌ن، جگه‌ له‌رۆژانی هه‌ینی و پشووه‌ فه‌رمیه‌كان كه‌ كاتژمێر 11ی پێش نیوه‌ڕۆ بۆ 1ی شه‌و كارده‌كه‌ن".

ع،ه