مه‌ودا میدیا-

نرخى مریشك له‌ بازاڕه‌كاندا هه‌رزانبووه‌ و هاوڵاتییان پێیان وایه‌ ئێستا كیلۆیه‌ك مریشك له‌ شیشێك تكه‌ى مریشك هه‌رزانتره‌.

رێژین قادر، مریشكفرۆش له‌ سلێمانى به‌ مه‌ودا میدیاى راگه‌یاند " سێ رۆژ ده‌بێت نرخى مریشك به‌ته‌واو هه‌رزانبووه‌ و ئه‌و هه‌رزانبوونه‌ش دواى ئه‌وه‌ى هات كه‌ ماوه‌یه‌ك نرخى مریشك له‌ به‌رزى بوو به‌تایبه‌ت له‌ مانگى ره‌مه‌زان".

باسى له‌وه‌شكرد "یه‌ك كیلۆ مریشك له‌ كێڵگه‌كانه‌وه‌ جۆرى گه‌وره‌ كیلۆى به‌ 2500 دیناره‌، مریشكى ورد كیلۆى به‌ 2350 دیناره‌".

به‌ وته‌ى هاوڵاتییان، ئێستا نرخى مریشك ئه‌وه‌نده‌ هه‌رزانبووه‌، یه‌ك كیلۆ مریشك هه‌رزانتر ده‌كه‌وێت له‌ یه‌ك شیش تكه‌ى مریشك.

ع،ه