مه‌ودا میدیا-

میدیا جیهانییه‌كان بڵاویانكرده‌وه‌، بزووتنه‌وه‌ى حه‌ماس رازى بووه‌ به‌وه‌ى ئاگربه‌ست له‌گه‌ڵ ئیسرائیل بۆ راگرتنى شه‌ڕ رابگه‌یه‌ندرێت.

میدیا جیهانییه‌كان ئه‌وه‌یان بڵاوكرده‌وه‌ "ئه‌مڕۆ دووشه‌ممه‌، به‌رپرسانى بزووتنه‌وه‌ى حه‌ماس قه‌ته‌ر و میسریان ئاگاداركردووه‌ته‌وه‌ ئه‌وان ئاماده‌ن بۆ ئه‌وه‌ى ئاگربه‌ست رابگه‌یه‌ندرێت و رازین به‌و هه‌وڵه‌ و پێشبینى ده‌كرێت له‌ چه‌ند رۆژى داهاتوو به‌ فه‌رمى رابگه‌یه‌ندرێت".

له‌ دواى بڵاوبوونه‌وه‌ى هه‌واڵى ئاگربه‌ست، هاوڵاتییانى غه‌ززه‌ دڵخۆشى خۆیان ده‌رده‌بڕن و به‌و هه‌واڵه‌ رژاونه‌ته‌ ناو كوچه‌ و كۆڵانه‌ وێرانبووه‌كانى غه‌ززه‌ بۆ ده‌ربڕینى خۆشى.

ماوه‌ى حه‌وت مانگه‌ ئیسرائیل و حه‌ماس له‌ شه‌ڕدان و به‌هۆیه‌وه‌ سه‌رو 100 هه‌زار كه‌ش له‌ غه‌ززه‌ شه‌هید و برینداربوون كه‌ زۆربه‌یان ژن و منداڵن.

ع،ه