مه‌ودا میدیا-

به‌پێى راپۆرتێكى رۆژنامه‌ى ئاسۆشەیتێدپرێس کە له‌ راپۆرتێکی ئاژانسی نێودەوڵەتی وزەی ئەتۆمی دەست کەوتووە نیشانی دەدات پاشەکەوتی یۆرانیۆمی پیتێندراوی ئێران بۆ 30 ئەوەندەی ئاستی رێککەوتنی ناوه‌كى بەرزبووەتەوە.

ئاژانسی نێودەوڵەتی وزەی ئەتۆمی رۆژی دووشەممە بڵاویكردوه‌ته‌وه‌ "بەرز بوونەوەی پاشەکەوتی پیتاندنی یۆرانیۆمی ئێران 30 ئەوەندەی ئەو ئاستەیە کە لە رێککەوتنی ناوه‌کی دیاری کرابوو".

باس له‌وه‌شكراوه‌ "ئێران ئێستا 142.1 کیلۆگرام یۆرانیۆمی پیتێندراوی له‌ سەدا 60ى هەیە کە لە چاو دوایین راپۆرتی ئەو ناوەندە لە مانگی رابردوو 20.6 کیلۆگرام زیادی کردووە".

ع،ه