مه‌ودا میدیا-

ئاژانسی نێودەوڵەتی ئانروا و رێکخراوی جیهانیی تەندروستیی رایانگەیاند، لە سێ هەفتەی رابردوو و هاوکات لەگەڵ هێرشەکانی ئیسرائیل، نزیک بە یەک ملیۆن کەس لە دانیشتووانی رەفەح ئاوارە بوون.

ئه‌و دوو رێكخراوه‌ باسیان له‌وه‌كردووه‌ "هێرشی ئاسمانی شه‌وى یەکشەممە بۆ سەر کەمپی ئاوارەکان لە رەفەح ئیدانه‌ ده‌كه‌ن كه‌ بووە هۆی کوژرانی 45 ئاوارە کە لە خێوەتدا دەژیان".

ئه‌وه‌ش خراوه‌ته‌ڕوو "داخرانی سنوورەکانی رەفەح و کەمبوونی سووتەمەنی و فریاکەوتن، توانایی ئێمە بۆ پاڵپشتی لە سیستەمی تەندروستی لە رەفه‌ح و کەرتی غەززە لاواز کردووە".

سەرۆکی رێکخراوی جیهانیی تەندروستیی نیگەرانی دەربڕی کە هاوکات لەگەڵ بەردەوام بوونی توندوتیژییەکان لە رەفەح، نزیک یەک ملیۆن ئاوارەی فەلەستینی جارێکی دیکە ئاوارە بوون.

ع،ه