مه‌ودا میدیا-

میدیاكانى ئێران بڵاویانكرده‌وه‌، ئێواره‌ى دوێنێ دووشه‌ممه‌، كۆتایی هاتووه‌ به‌ پرۆسه‌ى ناوتۆماركردن بۆ پۆستى سه‌رۆك كۆمارى وڵاته‌كه‌ و به‌ ده‌یان كه‌سیش خۆیان تۆماركردووه‌.

ئاژانسى میهرى ئێرانى بڵاویكرده‌وه‌ " تۆمارکردنی کاندیدەکانی خولی 14ى هەڵبژاردنی سەرۆکایەتی کۆماری ئێران لە دوایین رۆژی دوا وادەی ناونووسین، كه‌ دوێنێ دووشه‌ممه‌ بوو كۆتایی هات".

باس له‌وه‌شكراوه‌ " 287 کەس داوایان لە وەزارەتی ناوخۆ کردووە بۆ ناو تۆمارکردن کە 80 کەسیان مەرجە سەرەتاییەکانیان تێدابووه‌ بۆ ناو تۆمار کردن".

بڕیاره‌ له‌ دوو هه‌فته‌ى داهاتوو هه‌ڵبژاردنى سه‌رۆك كۆمارى ئێران به‌ڕێوه‌بچێت.

ع،ه