مه‌ودا میدیا-

به‌ كۆى ده‌نگى ئه‌ندامانى ئه‌نجومه‌نى نوێنه‌رانى ئه‌مه‌ریكا، سزا به‌سه‌ر دادگاى لاهاى نێوده‌وڵه‌تى سه‌پێندرا.

به‌هۆى ئه‌و بڕیارانه‌ى كه‌ له‌ ماوه‌ى رابردوو به‌رانبه‌ر به‌ بنیامین ناتانیاهۆ، سه‌رۆك وه‌زیرانى ئیسرائیل و چه‌ند به‌رپرسێكى ترى ئیسرائیل ده‌ركران له‌ لایه‌ن دادگاكه‌وه‌، ئه‌نجومه‌نى نوێنه‌رانى ئه‌مه‌ریكا سزاى خسته‌ سه‌ر دادگاكه‌.

بڕیاره‌كه‌ى دادگاى لاهاى بۆ ده‌ستگیركردنى ناتانیاهۆ بوو، به‌پێى بڕیاره‌كه‌ ناوبراو تاوانى جه‌نگى ئه‌نجامداوه‌ له‌گه‌ڵ چه‌ند به‌رپرسێكى ترى ئه‌و وڵاته‌.

دوا به‌دواى بڕیاره‌كه‌ى دادگاى لاهاى، چه‌ندین وڵات ئاماده‌ییان نیشاندا بۆ ئه‌وه‌ى بڕیاره‌كه‌ى جێبه‌جێ بكه‌ن، به‌ڵام ئه‌مه‌ریكا بۆ پشتیوانى له‌ ئیسرائیل، ئه‌و بڕیاره‌ى دژى دادگاكه‌ ده‌ركردووه‌.

ع،ه