مه‌ودا میدیا-

ئێواره‌ى ئه‌مڕۆ یه‌كشه‌ممه‌، نرخى دۆلار به‌رانبه‌ر به‌ دینارى عیراقى به‌رزبوونه‌وه‌ى تۆماركرد به‌راورد به‌كاتى كردنه‌وه‌ى بازاڕ.

ئیبراهیم غه‌فور، خاوه‌نى نوسینگه‌ى ئاڵوگۆڕى دراو له‌ بازاڕى دۆلاره‌كه‌ى سلێمانى به‌ مه‌ودا میدیاى راگه‌یاند "نرخى دۆلار له‌كاتى كردنه‌وه‌ى بازاڕ به‌رزبوونه‌وه‌ى تۆماركرد".

وتیشى "به‌یانى ئه‌مڕۆ له‌كاتى كردنه‌وه‌ى بازاڕ، نرخى 100 دۆلار به‌ 146 هه‌زار و 900 دیناربوو، ئێواره‌ پێش داخستنى بازاڕ بۆ 147 هه‌زارو 200 دینار به‌رزبووه‌وه‌".

ئه‌وه‌ش له‌كاتێكدایه‌ بانكى ناوه‌ندى عیراق ئه‌مڕۆ یه‌كشه‌ممه‌، له‌ مه‌زادى رۆژانه‌ زیاتر له‌ 250 ملیۆن دۆلارى خسته‌ بازاڕه‌وه‌ و 22 ملیۆنى دۆلارى كاشبوو.

ع،ه